يومياتي

طيب اول شي السلام عليكم ورحمة الله وبركاته 
طبعا في هذي الصفحة انا راح اكتب يومياتي كلها يوميا ان شاء الله

نبدأ من :

1431/9/1 هــ

طيب اليوم اول ايام شهر رمضان المبارك طبعا كل عام وانتو بخير رمضان كريم 


اليوم صحيت الساعة 4 العصر اخوي صحاني بالقوة صحيت وجلست اقرأ الجريدة وبعدين جيت لهنا وكتبت عالمدونة وبعد شوية راح اروح عشان اقرأ قرآن 

اليوم امي مرررررررررة تعبت وجاءها صداع شديد  و كأنها يغمى عليها ( هي قالت كدة )  و مررررة اتخنقت وطبعا فطرت 
وهذا عذر معليش تفطر عشان مرررة تعبت وصدعت وصرخت و بعدين نامت . ( الحمدلله )


طبعا اليوم فطرنا :


سمبوسة
شربة حَب
باميا
ــــــــــــــــــــــــــــــــــــــــــــــــــــ


بعدين بعد الفطور دخلت العب عالكمبيوتر 


واتفرج : بيني وبينك 4
وبعدين رحنا انا وابويا الصلاة واخوية ما يقدر يروح عشان هو عمل عملية جراحية .


وبعد الصلاة رحت حلقت شعري ( عشان كان مررررة طويل ) .


ورجعنا الساعة 12:00

وبعدشوية راح اتسحر واصلي الفجر وانام 

ترا انا عندي سلحفاة برية صغيرة وكيوت اسمها توتو وهي مريضة شوي هذي الايام وان شاء الله تشفى

( اشوفكم بكرة واكتبلكم يومياتي )( صدقوني راح تكون كلها نفس الشي) 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 
  

2 / 9 / 1431 هـ 

طبعا اليوم ثاني يوم من ايام رمضان صحيت الساعة 3 ونص العصر وقعدت بعدين في الصالة وجاء اليوم الخبر المفاجى
والمحزن بشكل شديد مرررررة اثر عليا في حياتي من الان والخبر المفاجى الي سمعتوا وصدمني وكنت حابكي هو :

ماتت سلحفتي العزيزة اليوم  


الله يرحمها بس كانت صغيرة و بعدين مرضت وبعدين في اليوم الي بعدو ماتت !!
خبر محزن مو صح ؟


نكمل اليوم المهم بعد الخبر المفاجى ما اعرف ايش امي واخواتي سوو في سلحفتي ( اظن رموها في الزبالة )
وبعدين رحت العب كمبيوتر شوية وبعدين قرأت قران ( لازم يوميا ترا نقرا قران ) وبعدين رحت
واتفرجت مسلسل خواطر اظن انو الجميع يتفرجوا وطلعوا عليه على احمد الشقيري ( عزيزي .... مثلا ) :


عزيزي احمد الشقيري:
بخصوص دعاية مستشفى فتيحي...
هو ببلاش مثلا...
ـــــــــــــــــــــــــــــــــــــــــــــــــ
وبعدين فطرنا طبعا اليوم الفطور رهيييييييييييب واكتر شي احبو في رمضان والي هو :


بـــــيــــتـــزا حق امي احلى بيتزا في الدنيا جدا لذيذة ( ترا هذا مو دعاية...ايوا لا تحسبوا )
وباميا ما احبها مررة
و شربة حَب اكيد الكل لازم يشربها في رمضان
ــــــــــــــــــــــــــــــــــــــــــــــــ
وبعد الفطور صلينا المغرب واتفرجنا TV

ولا اقولكم انتو قولولي ايش اكتب اسبوعيا ام شهريا 


وكتب تعليقات ونشوف بالتصويت لاني صراحة اتعب كل يوم الساعة 4 الفجر اكتب اليوميات 


انتم اختاروا :


( اسبوعيات )
( شهريات )


ــــــــــــــــــــــــــــــــــــــــــــــــــــــ